O programa formativo Construír equipos sólidos, un reto estratéxico para o sector da biomasa entra na súa recta final de inscricións, con últimas prazas dispoñibles para as empresas interesadas en reforzar a súa capacidade de atraer, seleccionar e consolidar equipos.
Esta formación presencial está dirixida a persoas con responsabilidades de dirección, coordinación ou xestión de equipos, e responde a un dos principais desafíos do sector: a dificultade para captar talento cualificado e garantir a súa permanencia nos equipos a medio e longo prazo.
Unha formación práctica, orientada á aplicación inmediata
O programa ofrece un enfoque práctico e adaptado á realidade das pemes do sector da biomasa, afastándose de modelos teóricos. As persoas participantes traballarán con casos reais, dinámicas prácticas e ferramentas contrastadas que lles permitirán mellorar os seus procesos de selección, reforzar o liderado e incrementar o compromiso dos equipos.
Ao longo das sesións, as persoas asistentes aprenderán a:
- identificar perfís clave para o crecemento do negocio,
- optimizar os procesos de selección de maneira eficiente e asumible,
- integrar competencias de liderado na xestión diaria,
- e elaborar un plan propio de captación e selección adaptado á súa empresa.
Última oportunidade para inscribirse
Con prazas limitadas, este programa representa unha oportunidade final para incorporarse a unha formación especializada, pensada para xerar impacto real na xestión de persoas e na competitividade das empresas do sector da biomasa.
