Loita contra incendios en instalacións de biomasa. Técnicas de extinción.
As instalacións de biomasa presentan características específicas que requiren unha preparación adecuada para actuar con rapidez, seguridade e eficacia ante situacións de emerxencia.
Co obxectivo de reforzar a capacitación dos profesionais do sector, o Clúster da Biomasa de Galicia organiza o curso “Loita contra incendios en instalacións de biomasa. Técnicas de extinción”, unha formación especializada que permitirá aos participantes actualizar coñecementos, coñecer os principais riscos asociados a este tipo de instalacións e adquirir competencias prácticas para a prevención, intervención e control de incendios.
Esta acción formativa conta cun enfoque eminentemente práctico e está especialmente deseñada para responder ás necesidades reais das empresas da cadea de valor da biomasa, contribuíndo a mellorar a seguridade das persoas, das instalacións e dos procesos produtivos.
A formación está dirixida a persoal de mantemento, equipos de primeira e segunda intervención, responsables de seguridade e, en xeral, profesionais vinculados ás empresas do sector da biomasa e forestal.
Equipo docente
Cal é a estrutura e o desenvolvemento deste curso formativo?
O programa comprenderá un total de 14 horas divididas en 2 sesións de 7 horas cada unha delas cun formato presencial
Contido teórico
- Natureza e química do lume.
- Área xeral de operacións.
- Pirólise e descomposición química da materia.
- Atmosferas explosivas de po e riscos específicos asociados.
- Equipos de protección contra incendios: extintores, mangueiras, sistemas portátiles de escuma, acortinadores e monitores.
- Equipos de protección respiratoria: usos e comprobacións de seguridade.
- Técnicas de refrixeración de estruturas.
- OMBR: orientación, mobilidade, busca e rescate. Técnicas de intervención en incendios estruturais e de interior.
Contido práctico
Módulo de extintores
- Exercicios de extinción en escenario industrial mediante o uso de extintores portátiles de po ABC.
- Exercicios de extinción con extintores de CO₂.
- Prácticas de extinción de incendios en combustibles sólidos (astela e pellets) mediante sistemas de auga con aditivos e escuma.
Módulo de tendidos
- Montaxe de liñas de auga.
- Progresión con liñas de auga en contornas industriais.
Módulo de incendio industrial
- Simulacro de actuación en unidades de fabricación de pellets e astela.
- Simulacro de actuación nunha planta de biomasa.
Módulo de incendio estrutural
- Observación e análise da evolución dun incendio de interior.
- Simulacro de intervención en almacéns de pellets, incluíndo control do incendio, extinción e rescate de vítimas.
Que inclúe este curso?
Ao longo das dúas xornadas, os participantes afondarán nos fundamentos da prevención e extinción de incendios, os riscos específicos asociados ás instalacións de biomasa e os protocolos de actuación ante distintos escenarios de emerxencia.
A formación combinará contidos teóricos e prácticos, incluíndo simulacros e exercicios reais orientados a mellorar a capacidade de resposta dos asistentes ante situacións críticas, así como o coñecemento e manexo dos diferentes equipos de intervención e protección.
A documentación empregada durante as sesións (presentacións, dossieres e material de apoio) e a propia formación estarán dispoñibles en galego e castelán.
SEGANOSA facilitará os equipos de protección individual (EPIs) necesarios para o desenvolvemento das prácticas.
Recordamos que os alumnos/as que participen nesta actividade deberán garantir unha asistencia obligatoria a totalidade do curso para obter o correspondente certificado de aproveitamento.
Loita contra incendios en instalacións de biomasa. Técnicas de extinción.
Prazo de inscricións: finalizado
- 30 de xuño e 1 de xullo
- 08:00-15:00 hrs
- Modalidade presencial | Instalacións Seganosa
Actividade cofinanciada por Axencia Galega da Industria Forestal
