Curso de QGIS e Lidar para a Industria Forestal

O obxectivo de esta segunda edición do curso de iniciación será o de introducir aos participantes no emprego dos Sistemas de Información Xeográfica e na tecnoloxía LiDAR para a xestión forestal empregando as principais fontes de información existentes.

A introdución ás características desta información así como o coñecemento dos principais repositorios procedentes das distintas administracións poderán ser útiles e nalgúns casos imprescindibles para o estudo dos recursos forestais.

Obxectivos

Coñecer as principais fontes de información de interese para a xestión forestal
Traballar con distintos tipos de datos e realizar operacións básicas de análise vectorial e de operacións básicas de filtrado LiDAR.
Crear saídas gráficas da información espacial e alfanumérica.
Realizar operacións de análise vectorial avanzado relacionado cos aspectos temáticos da información forestal

Equipo docente

Jaime Boo, enxeñeiro en Xeomática e Máster en Operacións e Enxeñaría de Sistemas Aéreos Non Tripulados pola Universidade de Santiago de Compostela, desenvolve a súa actividade profesional no ámbito da teledetección e o uso de drones aplicados á xestión ambiental e forestal. Actualmente exerce como enxeñeiro e piloto de dron en 3EDATA Ingeniería Ambiental, onde participa en proxectos vinculados ao seguimento de recursos naturais e á optimización da xestión forestal mediante tecnoloxías UAS.

Yago Alonso, enxeñeiro en Xeomática, desenvolve a súa carreira profesional especializado na programación e xestión de Sistemas de Información Xeográfica (GIS). Como técnico en 3EDATA Ingeniería Ambiental, participa en proxectos que aplican a análise espacial e o tratamento de datos xeográficos para mellorar a xestión ambiental e forestal, contribuíndo á toma de decisións baseada en información xeorreferenciada de alta precisión.

Que inclúe este curso?

Desta forma, a formación (cada unha das edicións) desglosaríase nos seguintes módulos:

Introdución
Descarga de datos de interese, datos de Instituto Xeográfico Nacional, Instituto de Estudos do Territorio, IFN4 Catastro..
Sistema de coordenadas e proxeccións
Traballos con datos alfanuméricos:
Xeoprocesamento en QGIS
Xeoprocesos de conversión da datos
Xeración de superficies de fricción
Clasificación e Filtros para LiDAR
Elaboración de mapas temáticos

Cal é a estrutura e o desenvolvemento deste curso formativo?

O curso conta cunha duración total de 24 horas, divididas en dúas edicións de 12 horas cada unha, cun enfoque teórico-práctico e formato presencial.

A 1ª edición tivo lugar entre o 11 e o 25 de outubro de 2024, en horario de 09:00 a 13:00 h, Milladoiro, Santiago de Compostela.
A 2ª edición celebrarase en formato presencial en horario de 10:00 a 14:00 h:
- Datas: 15, 16 e 23 de maio. No caso do día 16, realizarase unha práctica de campo nun monte próximo ao municipio de Meis (Pontevedra).
- Lugar: Escola de Enxeñaría Forestal de Pontevedra, aula 4.
- Inscricións: Máximo de 20 alumnos/as por orde de entrada.
  É importante que os alumnos/as acudan co seu propio equipo informático (ordenador portátil ou tablet) para poder seguir o curso correctamente.