Curso de certificación de leña e acha
Esta formación ten como finalidade achegar coñecemento especializado sobre os procedementos lexislativos, normativos e técnicos vinculados á certificación da leña e da acha. Preténdese que os participantes coñezan as obrigas legais, os mecanismos de control e as certificacións dispoñibles, fundamentais para garantir a calidade da materia prima no sector da biomasa.
Esta actividade forma parte do compromiso do Clúster da Biomasa de Galicia e da Asociación BIOECO2 co impulso da profesionalización e mellora continua da cadea de valor forestal, promovendo un sector máis competitivo, sostible e aliñado coa normativa vixente.
Destinatarios
Os principais destinatarios desta actividade son membros de empresas do sector forestal e da biomasa, así como traballadores/as autónomos, axentes técnicos e outros profesionais interesados en ampliar os seus coñecementos sobre certificación de produtos forestais. De especial interese para produtores de leña, que desexen coñecer en detalle a normativa aplicable e os mecanismos de control da súa actividade.
Equipo docente
Que inclúe este curso?
O curso desenvolverase en formato presencial e contará cun enfoque teórico-práctico, combinando explicacións técnicas con dinámicas participativas en grupo. A duración total será de 9 horas, distribuídas en sesións grupais presenciais con ata 20 participantes.
Durante o curso abordarase:
Orixe lexislativa da certificación da leña e da acha
Normativa aplicable e certificacións recoñecidas
Implantación dos procedementos na produción
Medición e control das especificacións a declarar
Documentación técnica e aplicación práctica
Todo o material formativo estará dispoñible en galego e castelán.
Curso de certificación de leña e acha
Prazo de inscricións: aberto
- 9 horas
- De 10:00 a 14:30 h
- 20 de maio e 03 de xuño
- Modalidade presencial
- CIS-Madeira
Actividade cofinanciada por Axencia Galega da Industria Forestal
