Convocatorias de axudas ao sector forestal
XERA-Tecno (IN500A): Convocatoria de axudas
No DOG nº 72 do 19/04/2021 publicáronse as bases e a convocatoria para 2021 das axudas aos investimentos en tecnoloxías forestais, procesamento, mobilización e comercialización de produtos forestais, cofinanciadas co Feader no marco do PDR de Galicia 2014-2020.
Axudas ao sector forestal
O obxectivo destas axudas é fomentar os investimentos relativos a:
- Operacións de aproveitamento e transformación.
- Comercialización dos produtos forestais (madeira, cogomelos, castañas, plantas aromáticas e medicinais, biomasa, ).
- Operacións de recollida e manexo en monte no caso de produtos forestais alimentarios.
Destinatarios
- Microempresas, pequenas e medianas empresas (pemes) do sector forestal radicadas en Galicia en relación cos investimentos realizados en zonas rurais.
Alcance as axudas
- Os investimentos subvencionaranse cunha axuda dun 40 % dos gastos elegibles.
- A axuda máxima por solicitante limitarase a 150.000 euros.
Gastos subvencionables
- Equipos de medición de masas forestais.
- Plans e ferramentas de xestión empresarial.
- Autocargadores, arrastradores forestais e tractocargadores completos, así como as adaptacións e implementos.
- Maquinaria e instalacións de primeira transformación de madeira.
- Bens de equipo e instalacións en empresas de recollida, manexo, acondicionamento e comercialización de produtos forestais non madeireiros e non alimentarios.
- Rozadoras.
O prazo de solicitude estará aberto ata o 19/05/2021.
