Construíndo e consolidando equipos para o futuro da biomasa
O sector da biomasa enfróntase a importantes retos á hora de atraer, seleccionar e reter talento cualificado, especialmente nun contexto marcado pola competencia por perfís técnicos, a dispersión territorial e a necesidade de equipos comprometidos cos proxectos empresariais.
Este curso nace co obxectivo de dotar ás persoas responsables das empresas do sector da biomasa das competencias, ferramentas e metodoloxías necesarias para xestionar o talento de maneira eficaz, adaptándose á realidade das pemes e ás particularidades do sector. Ao longo da formación abordaranse estratexias prácticas para identificar e atraer perfís de alto valor, optimizar os procesos de selección con criterios eficientes e asumibles, e integrar competencias de liderado que favorezan o compromiso e a consolidación dos equipos.
A través dun enfoque aplicado, o curso permitirá ás persoas participantes elaborar e implementar un plan propio de captación e selección, adaptado ás necesidades reais da súa empresa, co fin de reforzar a competitividade, mellorar a xestión dos equipos e asegurar a sustentabilidade dos proxectos no medio e longo prazo.
Equipo docente
Cal é a estrutura e o desenvolvemento deste curso formativo?
O programa comprenderá un total de 21 horas divididas en 4 sesións de 5 horas e 15 minutos cada unha delas cun formato presencial
Sesión 1: Detectar e atraer talento nunha contorna competitiva
- Como identificar os perfís crave para o crecemento do negocio
- Mapeo do mercado laboral específico do sector biomasa
- Estratexias de employer branding adaptadas a pemes industriais
- Canles de captación efectivos en contornas rurais ou especializadas
Sesión 2: Ferramentas e procesos de selección eficientes para pemes
- Métodos de cribado e entrevistas de alto impacto con recursos limitados
- Probas e dinámicas adaptadas a competencias técnicas e comportamentales
- Selección por valores e encaixe cultural: minimizar a rotación
- Recursos dixitais gratuítos ou de baixo custo para optimizar a selección
Sesión 3: Liderazgo aplicado á xestión do talento: compromiso e permanencia
- Conectar liderado e selección: como un bo líder pode atraer e reter talento
- Estilos de liderado que favorecen o compromiso e a permanencia
- Comunicación efectiva en procesos de incorporación e acollida
- Mentoring e desenvolvemento interno do talento
Sesión 4: Taller práctico de aplicación: deseño dun plan de atracción e captación
- Análise de casos reais, do sector da biomasa ou doutros sectores relevantes, para extraer aprendizaxes transferibles
- Realización de role plays de entrevistas de selección con feedback inmediato.
- Deseño dun plan de captación e selección adaptado ás características e necesidades das empresas do sector da biomasa.
- Facilitación das ferramentas necesarias para que cada empresa poida personalizar e adaptar o plan á súa realidade.
- Entrega dun checklist práctico para implementar melloras inmediatas nos procesos de captación e selección.
Que inclúe este curso?
A documentación a utilizar durante as sesións (presentacións, dossieres, etc.) como a propia información durante as sesións formativas estará dispoñible en galego e castelán.
Recordamos que os alumnos/as que participen nesta actividade deberán garantir unha asistencia mínima do 80% da duración do curso.
Construíndo e consolidando equipos para o futuro da biomasa
Prazo de inscricións: aberto
- 10 de marzo | Liderazgo aplicado á xestión do talento: compromiso e permanencia
- 09:30-14:45 hrs
- 17 de marzo | Taller práctico de aplicación: deseño dun plan de atracción e captación
- 09:30-14:45 hrs
- Modalidade presencial | sala de xuntas da Facultade de Física, situada no Campus de Santiago de Compostela.
Actividade cofinanciada por Axencia Galega da Industria Forestal
