Ciclo de webinars sobre Intelixencia Artificial aplicada á Industria Forestal

Ciclo de webinars sobre Intelixencia Artificial aplicada á industria forestal e ao sector da biomasa

O obxectivo principal destas xornadas é concienciar ao sector das vantaxes que pode achegar a intelixencia artificial no sector forestal, mellorando a efectividade das empresas, a competitividade do sector nos mercados e conseguindo optimizar os procesos internos do sector, mediante xornadas dinámicas participativas do emprego da Intelixencia Artificial en toda a cadea do sector.

Equipo docente

Bachelor in Business Administration pola Escola de Negocios Caixanova de Vigo, mestrado en Project Management polo Instituto Europeo de Posgrado e auditor interno de sistemas de xestión de proxectos ISO 21500:2013 de Bureau Veritas. Consultor especializado nos ámbitos de vixilancia competitiva, TIC y novas tecnoloxías centradas en IA dende 2010. Formación en IA para diferentes asociacións e administracións públicas e xestión de proxectos relacionados con novas tecnoloxías.

Licenciada en Ciencias Políticas e da Administración pola Universidade de Santiago de Compostela. Conta cun Mestrado en Deseño de Dashboards e Análise de datos pola Escola de Excel e Finanzas, un Mestrado en Comunicación Empresarial e Corporativa e un MBA – Máster en Marketing Dixital e Comercio Electrónico por ENEB. Experiencia en uso e formación e novas tecnoloxías de IA. Conta cunha ampla traxectoria profesional no ámbito da empresa e no ámbito da comunicación e das novas tecnoloxías dende o ano 2018.

Graduado en Bioloxía pola Universidade de Vigo. Mestrado en Biotecnoloxía Avanzada (MBA) pola Universidade de Vigo. Dende 2018 ata a actualidad é consultor en Estrategia y Organización SA. Na área de Observatorio e vixilancia competitiva, Innovacións e solucións TIC e comunicación. Participación en diversos proxectos e formacións en ferramentas TIC e de IA emprendemento, observatorios web e aceleradoras.

Que inclúe este curso?

O curso esta composto por 4 webinarios formativos:

Ano 2024

Xornada 1
- Introdución á IA no sector forestal: O obxectivo de esta sesión é facer unha introdución e ofrecer unha visión global da intelixencia artificial en todo o sector.

Xornada 2
- Mellorar a comunicación da compañía mediante ferramentas de IA: Esta sesión facilita a mellora da comunicación das entidades do sector mediante ferramentas de IA mellorando as mensaxes e os canais a empregar.

Ano 2025

Xornada 3
- Comunicación e marketing para o sector forestal e da biomasa: Abordaranse ferramentas e técnicas para mellorar a visibilidade das entidades, construír unha marca sólida, establecer relacións efectivas co público obxectivo e comunicar o valor ambiental, social e económico da súa actividade.

Xornada 4
- Ferramentas dixitais para mellorar a produtividade no sector forestal e da biomasa: Esta xornada céntrase na incorporación de solucións dixitais que optimicen a xestión interna das organizacións. Coñeceranse aplicacións e recursos prácticos para a organización do traballo, a planificación de tarefas, a xestión documental, o traballo colaborativo e a automatización de procesos.

Cal é a estrutura e o desenvolvemento deste curso formativo?

O primeiro webinario celebrarase o 11 de setembro, de 11:00 a 14:00 h, e o segundo terá lugar o 17 de setembro na mesma franxa horaria. O terceiro e cuarto webinario están previstos para o 28 de maio e o 6 de xuño de 2025, respectivamente, ambos en formato en liña, de 10:00 a 13:00 h.